Manzilen Apni Jagah Hain Raaste Apni Jagah

17 03 2010

manzilon pe aake luTate hain dilon ke kaarvaaN
kashtiyaaN saahil pe aksar, Doobati hain pyaar ki

{the caravans of hearts are robbed at their destinations,
and often times the boats of love are sunk at the shore}

manzilen apni jagah hain raaste apni jagah
manzilen apni jagah hain raaste apni jagah
jab qadam hi saath na den, to musaafir kyaa kare

{the destinations are in their place, so are the paths…
when the steps betray, what can the traveller do?}

yuN to hai hamdard bhi aur hamsafar bhi hai meraa
yuN to hai hamdard bhi aur hamsafar bhi hai meraa
baDhke koi haath na de, dil bhalaa phir kyaa kare
manzilen apni jagah hain raaste apni jagah

{i have a carer, and partner too
if no one extends their hand, what can the heart do?
the destinations are in their place, so are the paths…}

Doobne vaale ko tinke kaa sahaaraa hi bahut
dil bahal jaaye fakat, itnaa ishaaraa hi bahut
itne par bhi aasmaaN vaalaa giraa de bijliyaaN
koi batlaa de zaraa ye Doobtaa phir kyaa kare
manzilen apni jagah hain raaste apni jagah

pyaar karnaa jurm hai to, jurm hamse ho gayaa
qaabil-e-maafii huaa karate nahin aise gunaah
sangdil hai ye jahaaN aur sangdil meraa sanam
kyaa karen josh-e-junooN aur hauslaa phir kyaa kare
manzilen apni…





Tum Saath Ho Jab Apnay

17 03 2010

tum saath ho jab apnay
duniya ko dikha dein gay
hum maut ko jeenay kay
andaaz sikha deingay!

mana kay andheron kay
gehray hein buhat saye
par ghum hay yahaan kisko
aati hay to raat aye
hum raat kay seenay mein
ik sham’a jala deingay!

hum to hein dilwale
khanjar say nahin marter
hum zulfon kay kaidi hein
sooli say nahin darte
sooli ko bhi zulfon ki
zanjeer bana deingay

aye ahl-e-jahaan tumko
nafrat ki hay beemari
bharkaya karo sholay
phenka karo chinghari
hum pyaar ki shabnam say
har aag bhuja deingay!